જિલ્લામાં બનતા નાનામાં નાના બનાવોની ફરિયાદ લેવાનું તમામ થાણા અમલદારશ્રીઓને જણાવવામાં આવેલ છે અને ફ્રી રજિસ્ટ્રશન થાય તે બાબતેની તપાસ પણ રાખી જુદા-જુદા અધિકારી મારફતે બોગ્ગસ ફરિયાદી મોકલી ચકાસણી પણ કરવામાં આવે છે.

અત્રેના જિલ્લાનાં ૧૮- પોલીસ સ્ટેશનમાં રોજેરોજ નોંધાતા ગુનાની વિગત વાયરલેસ મેસેજ, ફેક્સ મેસેજ, ઈ-મેઇલ મેસેજ દ્વારા અત્રેના કંટ્રોલરૂમ ખાતે આપવામાં આવે છે. જેમાથી મોર્નિંગ રિપોર્ટ બનાવી પોલીસ અધીક્ષકશ્રી, નાઓ સમક્ષ રજૂ કરવામાં આવે છે તથા જે માહિતીની વડી કચેરીઓને જાણ કરવાની થતી હોઇ તે કચેરીઓની ફેક્સ / ઈ-મેઇલ દ્વારા જાણ કરવામાં આવે છે.

અત્રેની રીડર શાખા દ્વારા નીચે મુજબનાં માસિક તેમ જ વાર્ષિક પત્રકો તૈયાર કરવા સારુ દરેક પોલીસ સ્ટેશનથી નિયત નમૂનામાં માહિતી મગાવવામા આવે છે તથા આ પત્રકો તૈયાર કરી વડી કચેરીઓમાં મોકલી આપવામાં આવે છે.

• માસિક પત્રકો.

  • ક્રાઇમ રિપોર્ટિંગ.

  • માસિક ક્રાઇમ રિવ્યુ.

  • માસિક ક્રાઇમ આંકડાકીય માહિતી પત્રક એ ટુ એલ.

  • માસિક કાયદો વ્યવસ્થાનાં પત્રક.

  • માસિક પોલીસ મેન્યુઅલ ભાગ-૩ નિયમ પ૭૧ (ત્રણ)ના એપેન્ડિંક્સ-૧ મુજબ નમૂના નં.૩૯થી ૪રના પત્રકો

  • માસિક ક્રાઇમ ઇન ગુજરાત કલાસ ૧થી પ મુજબના પત્રકો.

  • માસિક રોડ અકસ્માતની માહિતી.

  • વિધાનસભા/સંસદગૃહ સત્ર દરમિયાન પુછાયેલા આર.એસ.ક્યુ/એલ.એસ.ક્યુ.ના જવાબ પાઠવવાની કામગીરી.

  • માસિક ક્રાઇમ કોન્ફરન્સનાં પત્રકો.

• વાર્ષિક પત્રકો.

  • ક્રાઇમ ઇન ઇન્ડિયાનાં વાર્ષિક પત્રકો.

  • વાર્ષિક વહીવટી અહેવાલ.

  • રોડ અકસ્માતના વાર્ષિક પત્રકો.

  • સુસાઇડ એન્ડ ડેથનાં વાર્ષિક પત્રકો.

તેમ જ જિલ્લાના પોલીસ અધિકારીઓની આવેલી વીકલી ડાયરી ઉપર ચેક લેવા, દૈનિક રિપોર્ટ ઉપર ચેક લેવા અને ઉચ્ચ અધિકારીશ્રીઓ તરફથી માગવામાં આવતી આંકડાકીય માહિતી તેમ જ ગુનાઓને લગતા અહેવાલ પાઠવવા અંગેની કામગીરી રીડર શાખા દ્વારા કરવામાં આવે છે.