કાયદો અને વ્યવસ્થાની જાળવણી માટે આખા જિલ્લાની પોલીસ સતત પ્રયત્નશીલ રહી કાયદાનું પાલન થાય તે માટેના લોકોની જાન, માલની સલામતી રહે તે જોવુ તેમ જ સમાજનાં અલગ-અલગ જૂથો વચ્ચે કોમી એખલાસ જળવાઈ રહે તે માટે સતત પ્રવૃત્તિશીલ રહેવું. અને ખરેખર જોવામાં આવે તો, વિકાસ ત્યારે જ શકય બને, જ્યારે તે વિસ્તારમાં કાયદો અને વ્યવસ્થાની પરિસ્થિતિ ખૂબ જ સારી હોય.

ભરૂચ જિલ્લામાં પોલીસ અધીક્ષકના નિયંત્રણ હેઠળ હાલમાં પ-નાયબ પોલીસ અધીક્ષકશ્રી, ૧ર-પોલીસ ઇન્સ્પેક્ટરશ્રી, ૪૦-પોલીસ સબ-ઇન્સ્પેક્ટરશ્રી અને ૧૪૮૩-પોલીસ કર્મચારીઓ કાયદો અને વ્યવસ્થાની જાળવણી અંગેની ફરજ નીચે મુજબ બજાવે છે, જે મંજૂર મહેકમની વિગત નીચે મુજબ છેઃ

• જિલ્લામાં મહાનુભાવો મુલાકાતે પધારે ત્યારે તેઓશ્રીઓની કેટેગરી મુજબની સુરક્ષા વ્યવસ્થા જાળવવામાં આવે છે.

• જિલ્લામાં કોમ્યુનલ બનાવ તેમ જ વર્ગ-વિગ્રહના બનાવો દરમિયાન પરિસ્થિતિને અનુલક્ષીને કાયદો અને વ્યવસ્થાની જાળવણી કરવામાં આવે છે.

• જિલ્લામાં ધાર્મિક તહેવારો તેમ જ મેળા ઉત્સવો સંબંધે અગાઉથી આયોજન કરી કાયદો અને વ્યવસ્થાની જાળવણી કરવામાં આવે છે.

• જિલ્લામાં ધરણાં, રેલી, આત્મવિલોપન અને હડતાળ જેવા કાર્યક્રમો દરમિયાન અગમચેતીના ભાગરૂપે કાયદો અને વ્યવસ્થાની જાળવણી કરવામાં આવે છે.

• જિલ્લામાં કાયદો અને વ્યવસ્થા માટે જ્યારે પણ વધુ ફોર્સની જરૂર જણાય ત્યારે એસ.આર.પી., હોમગાર્ડ અને જી.આર.ડી.ની મદદ લેવામાં આવે છે.